Y’ɛde nsɛmpa atena fie ama nsɛmbɔne abɛ yiyi wɔnTe sɛ nkranteɛ, ama y’aboa awe wɔnAfei nsɛmbɔne na ɛreyiyi yɛn yi o B. Y’ɛde ntamapa atena fie ama ntamago abɛ tɔ yɛnAfei yɛn ahenewa na wɔn hyehyɛ ntamago ma yɛn ɛrebisa sɛ adɛnƐwɔ ahenefie a adane nkoafie yi o D.Y’ɛde suban pa atena fie ama suban […]
Yɛresu amankuku a Yɛgyina aman ntɛmEfirisɛ nea ani ahunu na ano pɛnsɛTe sɛ aburo de twerɛ nsɛmNea ewiase nhwehwɛanim de yɛn aduru ni o o B.Sɛ yɛre ma akyɛdeɛ a Yɛgyina ani ne ano ntɛmEfirisɛ nfoni nni hɔ a, nsɛm tumi dani adɛmkyɛmKyekyere nsoroma to twene nkontompo abusia ntɛmNea nhwehwɛanim de yɛn aduru ni o […]
Ɛmmerɛ bi a atwamu Na Agya Sasabronsam kuro ne Akrofikuro bɔ hoObiara a ɔwɔ Akrofikurom tuu wɔn abusuafoɔ fo …sɛ wɔn nhwɛ wɔn ho yie wɔ Sasabronsam hoEnti na wɔn da to wɔn pono mu danwii …ansa owia akɔtɔWɔn ne wɔn mfɛfoɔ na ɛkɔ afuomuKɔ nsuomuMpo kɔ gya wɔn nanNso na mentimehoase na ɛyɛ wɔn […]
Sɛ me yɛ wo mpa a …bɛ yi me nnasoɔSɛ me yɛ wo gya a …fa nsuo bɛ dum me Sɛ me yɛ w’ataadeɛ a…bɛhyɛ me kosi me gu muSɛ me yɛ wo nsuo a …sɛbi, bɛdane me wo gyonsɔSɛ, sɛbi, wo gya wo nan nkoaa deɛ…wotumi we me nkaseɛ, sɛ me yɛ wo nam […]
MeM’atɔn ɛkɔm de agye nnɔbaeM’adaadaa akɔm de adɔ wɔ AdaeM’ahwe nsukɔm asom de aso nananom nnaeSɛ wo de wo fɔm ma me a, medua bayie atwa ahenman B.Me,M’afro afrɔtɔ akɔbɔ nkɔtɔM’asɔ asɔsɔ de apam apɔsɔM’afam ɛban abubu no afrɛ hannSɛ wo de wo tan ma me a, medua ama n’aso ɔdɔ D. Me, M’asom owuo […]
ƆbaaMmarimma bi te sɛ abrɔ afidieEnti mfa suban bi sɛ agrɔ na yɛ ahwɛyieMfa mmɔfra adwene ntena aware bɔne ho mpiri asiesieEfirisɛ wo wu a…yɛ bɛtumi asu asuo po nso ɛfɔm na ɛde wo bɛkɔ akɔwie B.Ɔbaa eiSɛ ɔma ne nsa so ɛnɛ na anka wo aƆkyene deɛ bɛtumi asam w’adwene ama wo adane n’akoaƆbaa […]
Amaniɛ a etru baƐne amanyɔfoɔ akatua a ɛforo ban…si adan de bɔ wɔn ho banƐne adwumayɛfoɔ akatua a erewiawia nso entumi nnuru aduane pono soN’asombɔ ne animdefoɔ a wɔn pɛ sɛ wɔn pia…adwumayɛfoɔ kakrawa no kɔhyɛ ohia yɛfunu mu Amaniɛ a etru baƐne amanyɔfoɔ a wɔn awidare wɔ kɛtɛasehyɛ ne prɔyɛ mu…san tru takashi de […]
Ewiase te sɛ nteaseɛ nkyiayɛEmu tena yɛ yaEnti na etire hia adwene…honam hia ahwɛyie banbɔƐna akoma hia ntoboaseɛ boɔ…de adi nyinkyɛ B.Ewiase yɛ hu o Ɛyɛ hu te sɛ sasrabonsam a onni ahumɔbrɔ se…nankapɛsɛ w’akonya akrɔkrɔ mmɔwerɛEnti na pɛtɛ nam yɛ amanfoɔ tan san nso yɛ Sikaman nyinaa akyiwadeɛ…nanso prako nam yɛ ebinom dɛ noNa […]
Me nnwin te sɛ sirkye ahoma anaa atentenhuo…a emu yɛ duruKakraa bi yɛ bebree…nso aman foforɔfoɔ nhunuNeɛ me twi mu a ɛbɛgu m’akyi noTe sɛ nea ɛɛyɛ ayɛ obi tikwaƐyɛfɛ yɛ duru…ɛyɛ aduro yɛ banbɔ B.Ahuhuro nyɛ adeɛ a ɛnene bɔNso awɔ mu no…ɛyɛ etire ataadeɛMe bɔ a…ɛtisɛ nea m’ama no mframa kwanMe gyae gu […]
Amanyɔfoɔ nnyɛ anyame…na y’asom wɔnWɔn yɛ asomfo a kokrommoti ayiyi wɔn sɛ wɔn nsom ɔman no …wo ne me kokromotiEnti ɛnnane akoa mfa asrɛ mpia wɔn ahommasoɔ…ɛmma ɛnnane ɛbɔbrantan …ensi w’atennie kwan IIAmanyɔfoɔ nnyɛ adefo kronkronƐkwanyieNsubɔNkanea ntwatomuAsukuu sieNnyarewa nsosɔano…ne nea ɛkekaho nyinaaYɛ wo ne me nkakrawa a wɔn asam firi yɛn mfifire mu Wɔn bɔ […]
Otɔtorɔbonsu eeei! Krɔno mframa a etruba ɛrɛbɔAma kɛtɛasehyɛ ne prɔyɛ adane wɔn kyekyere ntamaƐrebubu yɛn banbɔ nnua…ɛde rebɔ nkyirimma duaKununom adi abrɛ …ama wɔn afrɛ yerenom erebɛ bubu yɛn aprɛKrubinsin amanmuo! Ɛkabinsin adwosuo! Ɛborɔ dunsin ano nsuo…adane agyanombinsin ntasuo! Ama wo man Ghana adane Amabinsin a ɔreti nisuoAni anhunu sɛ ɛka adane ɔkyɛm ɛrekyekyere yɛn […]
OkokosookoWo fie anwia ase boɔ na suro…enyɛ nwuramuboɔ B.OkokosiakaWo ntama mu ka na ɛdane ahoma kyekyere woƐnyɛ nea etim obi honam so D.OkokokrokoWo fie akokonini na hwɛƐnyɛ nea ɔɔbon wɔ obi bɔn mu E.OkokoberantanOdwan a ɔdane gyata ho ɛyɛ hu sene ahaban ase ɔkyereben Ɛ.OkokosankareEfie gya dum na ɛsoro gya dum a …ɛnkyerɛ sɛ adwene […]
Ebi resu te sɛ anantwie…pɛ sɛ wɔn yɛ kɔkɔɔ te sɛ esieEbi resu te sɛ ampane…pɛ sɛ wɔn yɛ tuntum abraneEbi de ɔyiaw te wiase te sɛ nea wɔn apira…efirisɛ wɔn ne tintin abɔ abiraEbi de ehu na ɛhwɛ ɛfɔmEfirisɛ tintin ɛne wɔn eedi akɔmNana Nyame nkutukwii sene n’abɔdeɛ nyinaa! B.Ebi anya sika ɛrepiri nkwa…suro […]
Mframa wuo a ɛɛbɔ wɔ wiaseAma ano ahyehyɛ ntaade…de hwan ni -hwan ni aba wiaseAma wiamua wuo adane brisi ahyɛ yɛn ataadeEnti yɛ ahwɛyie B.Yareɛ yi ka ni ka baYareɛ yi ka si ka wɔfaYareɛ yi kum asɔfoɔ …kum nnipa-abɔfoɔYareɛ yi nnim mpayindie…nsuro asomfieYareɛ kyere wɔ Abosomfie…kyekyere asomfo wɔ KramofieYareɛ nni ahumɔbrɔ mma awisia…nankampɛsɛ ahunu […]
Na anka wo yɛ nsoroma a wo da yɛn wiemuNa wo sereɛ hyirɛn sɛ anɔpa wiaNa anka wo yɛ ɔsrane a wo bɔ yɛn sum guNa wo kanea te sɛ akyerɛkyerɛkwanNa anka wɔ yɛ mframa dɛ…yɛ mpata deWo ho akɔnɔ kyiran abufuwNti ɛbaanesɛn na owuo aanfɛre…ate wo tɛ agya yɛn nisuo yi? B.Owuo di ni…di […]
Ɛmmrɛ bi a atwa mu Na Mentimehoasefoɔ ɛne Metimehoasefoɔ ti koro korɔ mu Na akasa akasa wɔ wɔn ntɛm deɛNso Metimehoasefoɔ gyina pintinn…de kasa dɛ tɔɔ asomdwoe ma asetena yɛɛ dwoodwooKosi sɛ nsutɔbrɛ de ɔhaw kɛseɛ bi bɛtoo wɔn soMetimehoase panyin de adwenpa baa sɛWɔn ntase nuabenane a mframa de abufuwhyew atutu afiri asaase so […]
Abibiman nyinaa adane onnibie Ama ohia apopobibire asi yɛn wɔ mantwia so …te sɛ nea mfɔtiɛ si wɔn sie Ama mmoadomma nyinaa bu yɛn atantandeɛ …san ewurawura yɛn mu…ɛwia yɛn pasaaAbibire mu apopobibire! B.Mpo nsuwa nsuwa nyinaa da ayiya a efi ɛretwetwa wɔn meneA wɔn dawuro a ɛɛpae daakye nsukɔm …ɛntɔ aso biara muƐnɛ yi, […]
Owuo de ɛkɔm eedi akɔm…ɛwɔ ateasefoɔ mpɔ muOwuo de nkwa adane ɛkwan…ɛwɔ nnipa aman muOwuo de nsukɔm eepia nisuo…ɛwɔ nkwa ajosuo yi soNso nnipa a wonni tumi…wo fa he kɔ ko? B.Owuo bɔ hu oooƐɛkyere w’adɔfoɔ no na ɛɛbɔ wo nkae!Owuo hoɔ hu oooƐmene w’atamfoɔ no na ɛde ahi ɛɛbɔ wo nkae!Owuo hoɔ hene oooƐfa […]
Agya tua dua nso ontumi nnua ntiAmanfoɔ si no huu de aniwuo kyekyere n’abatiEbi frɛ no ɔbaa basia Ebi frɛ no ɔba kwasiaEbi frɛ no akokɔ mɛsaEbi frɛ no…ahuhuro mu awɔNso agya tua dua a Nyame ankasa adua B. Sɛ nka nnipa yɛ Nyame a Anka me tiboa betumi aboa wɔn huro yi Sɛ anka […]
Ɛna yɛ naƐna te sɛ abɛ duaWɔn ma yɛn bɛdɛ a yɛ de bɛsua yɛn bra wɔ nkɔsoɔ bra muWɔn ma mmɔfra ɔdɔ mmɛ a emu nsuo tenetene yɛn tɛkrɛmaWɔn ma wɔn mma nhwɛsoɔ adwennwu ne nnwuMa wɔn de adesua de kye de bɔ wɔn braWɔn ma wɔn mma prayɛ ma wɔn de prapra wɔn […]
Mo nnunu mo ho na mo nsere…mmu m’oani ngu nnepa bebree a mo rehwere…soNa sɛ daakye adekye…na nkyirimma fa anibere kɛntɛn kɔ po a afikyereNa wɔn de anibue hunu sɛ mo nnyuma na ɛde wɔn nampa kyekyɛ asrokye…mmaa ne srikye ahoma pansam wɔn aƐhɔ na mo sunsum bɛti nnuho kɔmNa mo akra bɛti kɔankra sutrɔ […]
Akwantuo tumi bɔ yɛfunu asesaMa tɛkrɛma brɛ kɔm ne kasaNso, Ghana nnuane bɔ nkae ma tɛkrɛma saEfirisɛ mmae bue nuane pa ponoBue honam a akɔ ɛkɔm akono pono B.Wo bɛnya bankye a ɛyɛ merɛ…ɛne nkontomire mpotɔgum hwiegumA amako papabi…gyeene a ɛyɛ hwam…nkyene kakra a efiri yɛn mpoano…koobi a awia akye n’agyina…ɛne zomi a emu hwam […]
Ama adamfo Nkrumah aanya tima …anfa anwurɔ no tɔmaDe aboa su bi wɔɔ no puupuu sɛ wɔmaEwieyɛ de homhomfi akomaBoro no titii no ntamaA na ɔrehwehwɛ no nnipadua akɔtu bama…so, nso bɔne wɔ hɔ yi, ensuma B.“Ebia na ɛyɛ homhom fi na ɛboro no Ebia na ɛyɛ akɔm na ɛsuaa no Ebia na ɛyɛ Ɔbonsam […]
Abɔfra suban te sɛ ɛbɔ bebree a afrafra Enti abɔfra pa ne nea ɔfom ka kafraNea onnim ne mfɛfoɔ ne nkwakoraNea obu n’atipɛnfoɔ ne mmerewaNea ɔsom ne mpanyinfoɔ ɛbere biara B.Abɔfra pa ne nea ohunu asɛm a ɛnfa ne ho…na ɔka n’ano to muNea ɔnfa adwene bɔne nni adanse krumuuNea ɔnpiri nsuma nkɔtie mpanyin nkɔmɔNea […]
“Eiiii dabɛn na wo bɛ yɛ ayifrɔ” Ɔhwɛɛ m’anim a pɛ na ɔkaasɛ ɔredi agorɔSɛ mo aso mo afofroafofrɔ…na monim sɛ, m’abrabɔ nnyɛ mo agorɔ…yi deɛ, mma mo mpatri mmɛtɔ m’afrɔ…mu, mmɛgye adapaa asutrɔ B.Yɛde agorɔ agorɔ saa …na yɛretɔn wo wɔ nsekuo man soYɛde” yɛnaware yɛnaware” saa…na yɛɛ pia wo kɔhyɛ nnipa bɔne bi […]
Ei!Nnipa bi nnyɛ nnipa ooNa wo de wo werɛ ne w’anidasoɔ…akɔhyɛ wɔn mu te sɛ ɛdan a owuo suro n’awɛnfoɔ Ahunubipɛn biara nan a ɛtɔso miensa ne ahwɛyie!Enti mfa ntɔgusuɔ nnyɛ yeyaw…mfa ɔbabunu akoma npire nkɔtɔ akumatiɛ mu B.Ei!Ɔdɔ adwosuo nnyɛ ɛdɛ nkoaa ooNa wo de w’afofroafofrɔ …kɛntɛn akɔ pire ne nsuo wenfoɔAhunubipɛn biara nan […]
Sɛ yɛɛpai sɛ oyiwan ayera aNa kɔkɔsakyi adaEfirisɛ nhwi sumsum tɔ no so wɔ nwunu mu koraaOwia de srehehe beyi n’etikwa akyerɛEnti kwan a wookwan te sɛ akokɔ a ɔɔto yi…ɛɛpagya aniwa aniwa aƐbɛdane asɛm aserewa krokyiade afrɛ akyirikyirifoɔ abɛtɔ w’asɛm…de akɔ amansan dwa so akɔ tɔn B.Sumasɛm na ɛpiri gye ngyegyehoTi a ebu ne […]
Nnipa mu nwowa bi tumi yɛ wɔn ho afranfrantɔBɛ srɛ w’akoma pono mu bueNa sɛ wɔn dua wɔn ho wɔ wo mu na wo dɔ nsuo tɔ…gu wɔn so a, na wɔn wowa su no ayi wɔn ho apueEnti yɛ ɔdɔ mu ahwɛyie na w’ankɔ nea yɛnnkrɔ B.Sɛ wo yɛ asikyire a, ɛntena ntatia hoSɛ […]
Me aaa me nie! Ɔbaa a osi pi si ta Me honam nahanahanahanaha te sɛ brɔde a asunsɔnAkrɔnfoɔ ama adundɔn…akyekyere me ntiniNso me yɛ ɔsrane, yɛ awia A ɔkrɔmfoɔ biara ntumi nwia B.Me aa me nie!Nhwinie yɛ me krotiaAgudie yɛ me ntama Abɔdeɛ ne ne mmɔɛ da me da Mogya dieɛ, …me wɔ nea ahoɔden […]
Anwanwa anwaNsuo agyenkwaAbenfo gyaAdwareɛ wɔ asuogyaAnwia adwareɛAbonsam yareɛWei nom na wɔn de adane asomtɔdeɛ eresum amanfoɔ afidie…ɛɛprɔ wɔn gyidie B.Sɛ ɛyɛɛ yɛ a Nyamesom…adani nkoasomNa asɔfoɔ de nyaatwom nkatasoɔ…abɔ abɔsoɔƐde homhom fi ataadeɛ ahyɛ Homhom Kronkron…ahyɛ no mmusuo mpaboa ɔpipi nkronA adwaman…nkɔkɔnsa…asabrɔ…awudisɛm…amanmmɔsɛmNe nea ɛkeka ho…ɛde ɛɛkyiran homhom pa te me nsromu DEnti yɛbɛyɛ dɛn na […]
Ɔdɔ asaawaAgorɔ apaawa Me nsɔkɔ duawa M’anigye ahoma B.Me nsuo dɛɛdɛ M’ahofadeɛ fɛɛfɛ M’aduane a ɛɛdɛ M’ahoyera bɛdɛ D.Sɛ ɔdɔ mpaboa de ne dede krokyia …ɛɛma adɔfoɔ akyeNa me kae m’ankonam akwantuo …ne ne so tabuo a…ne wo su ne ban …wo buo a wowɔ ma me a Na anigyeɛ ahyɛ m’afonu mu ma E.Efirisɛ, […]
Kwaa Abrɔ a ɔte Bɛgorɔ a ɔde abrɔ kɔ agrɔ …ma ne dani afrɔ memene ne mma no Na ɔda owuo apaso…ɛfrɛ wiamuah owuo sɛ ɔmmɛ yi no sɛ mmusuo…nfa no ntwa owuo afasuo no o Wei kyerɛsɛ owuo nnyɛ agrɔ a ɔdasani de i n’ani so B.Osii so ware yɛ Kwaa Abrɔ ka sii […]
Ɔbra wɔ ne mmra ne ne mmerɛEnti nfa ahoyiaw amirika nkɔtɔ kisikroƆbra wɔ ne yiaw ne ne brɛEnti ɛnfa aniberɛ ne ahopipirɛ nnyɛ n’aduroEfirisɛ…ɛbɛ nyini apɔ wo sɛɛ wowowo…te sɛ abɔdam kraman a onni manEfirisɛ ɛbɛpɔwo akawo yayaaya te sɛ sakakraman a onni banEfirisɛ ɛbɛ kawo awe wo nyafunyafu te sɛ gyatabereɛ a w’atu ahunuSɛ […]
Nwansena ne nsɛmbɔ ntwi mpenaSaa nso na nnwa nni akyekyedeɛ akyi nkɔka nan ntɔkwaAkokɔba a ɔbɛti atɔ akrɔma dɔ mu no nni daakyeSaa nso na gɔgɔmi ne akokɔbaatan nni maakyeEnti hwɛ w’abrabɔ so fa yɔnkoɔ B.Sɛ wo hunu w’ayɔnkogorɔ a Nyinikyɛ sum w’abrabɔ Sɛ wohunu w’atanfo a Wo haw fa no ara ano asi Efirisɛ […]
Atuobi a ɔbɔ kroW’afro akokɔ abrɛ ne kwanKɔ gye ahumie a…wo se m’akɔfro akɔmfɛmNa wo betumi agyina ne kwan ano?Asɛm sɛbɛ! B.Atuobi a ɔpiti ɔhawW’apam ɔkraman sɛ ne ho kankanAni anbɔ tɛtɛ…wo se me ne atui na ɛgro broAsɛm sɛbɛ! D.Atuobi a ɔbra mmraW’abra oguan mmɛɛAso annte dinn…wo se me dɔ apɔnkye pumɛɛAsɛm sɛbɛ! E.Atuobi […]
Ɔkrɔmfoɔ bɛtumi ahyɛ esum ataadeɛ…abɔ adwuma te sɛ mfidi-braneNanso, sɛ ewiemu nsakrayɛ yɛ Ɔbɔɔadeɛ nsa ano adwuma yi nkoaa deɛDakoro awia bɛtu sum ama ani ahunu nsa a…ɛde adesayɛ adane ataadeɛ…ewia amansan noEnti hwɛ na sua prɔyɛ mu nkyerkyerɛ BKrɔno bɛtumi ama tumi…nso tumi no bɛtumi adane Fomena nsɛmnsɛm…ama wo nsa akɔhyɛ w’atanfo anum…wɔ ɛbre […]
Ayɛ Bronya yi Na abɔfra Yesu awoɔ abɛhyira ewiase yi Dane wo ho ɔdɔ safoa…fa bue ohia nkoa…a wɔn gu ahohiahia kokomu Mo ma Akristofoɔ ho nyɛ amanaman akɔnɔ wɔ nhyira mu B.Ayɛ Bronya yi Nya akomapa bi Fa dwene w’atanfo ho sɛ obi a ɔfata ɔdɔNna ma ɔtan ne akomahuro no nkɔ D.Bronya nnyɛ […]
Ɛmerɛ bi a atwamu Ɔpramire wɔre ne ho wɔ petee mu …maa mmoa nwansan…akokɔ…ne ɔdenkyɛm hunu yɛ Ɔpramire honam fɛfɛɛfɛ a ne ho wurɔ yi kyerɛ mmoa no…ma wɔn yɛ wɔn adwene sɛ…wɔn nso bɛ wurɔ wurɔ wɔn ho B.Mmoa no nyinaa kɔɔ bɛn korɔ mu kaa sɛ …ɔdɛnkyɛm na ne ho yɛ dene san […]
Abatoɔ merɛ yi Timanmufoɔ eei Mma mo ndane asuoden bankyi …wɔ amanmuo fufu wɔ yi mu Ɛmma banbɔfoɔ nsa nyinyi mo nto ntwene aban kokomu …ɛnsɛi m’abrabɔSɛ mpo banbɔfoɔ nsa tra mo a …amanyɔfoɔ bɛtumi atwamu nkɔntɔnmoa …amma abrɔfoɔ nkranee abɛ didi mo mu…adane ɔman yi asɛifoɔ agyanan B.Abatoɔ mere yi Nsɛmkyerɛwfoɔ eeei Mma mo […]
Yɛ de ahoɔfɛ tumi tɔ akɔnɔ…nso mere de anibue gu n’agorɔSɛ suban de mere kasa a, ɛdane mpamborɔ B.Yɛ de nnaadaa tumi tɔ gyidie…nso mere hyɛda tɔ anibue…ma gyidie dane tumidie…a ɔtan epia ma ahoyera ɛpono bue…borɔ ɔdaadaafoɔ no te sɛ abirekyie D.Yebetumi de sika atɔ debrɛ…nanso merɛ yi nyansahwee kyerɛ…ma aniwa tɔ aniwo ma […]
Ɛnfa asomdwoe mmɔ mɔkwaaEfirisɛ ɛbɛ dani wo atitikwaaAma ewiase ayɛ wo ne wo man nsɛmkwaaƐde ahiyie asre wo kwa B.Ɛnfa asomdwoe nnyɛ agorodie Efirisɛ akakabenfoɔ bɛ dani no afidie Ama aniberefoɔ abɔ wo man nkofie Adua basabasayɔ abɔ wo fie D.Ɛnfa asomdwoe ɛngoro mmɛdamase Efirisɛ amanaman bi edidi w’asePɛsɛ wo man hwi ase Na daa […]
Odupɔn bi atutu…ama Ghanaman abutuƆmama bi adi asamando kanAma ato Ghanaman awerɛhow akenkanAno bebree resuNisuo bebree reguNanso yɛbɛyɛ no dɛn owuo buo yi mu?Ɔbra biara twa owuo B. Ebinom eesu de amo eegya no kwan noNa ebi nso de adapaa nenam muWei na ɛkyerɛ sɛOdikanfo papa biara nni hɔ a ontia nansoa bi nom soSɛ […]
A.M’awe nkyewiɛ, adi akawAdi dɛ, asom ɔyiawM’ato m’adwenmu, akɔm ɔhawƐnso abrabɔ mu nsɛmsɛm gu so bɔ me huEnti onua…yɛ ahwɛyie B.Atiyie ɛnyɛ ahantan safoaN’ankampɛsɛ akɔyɛ tumi akonguaAtiyie ɛnyɛ ohuro ataadeɛN’akampɛsɛ akɔyɛ atrimuoden mpaboaƐnnɛ tumi akongua tumi dani nankwaaseni nkuguo pono ɔkyena biEnti onua…yɛ ahwɛyie D.Mmerɛ takra nnyɛ ɔbaakofo deaNa ɔde kukukuku afoforo akukuduro…adane awuduroAkum ahiafoɔEnti […]
Ɛnɛ mu dɛ bɛtumi ayɛ ɔkyena mu nyonoEnti onua…sɛ wo de ɔdɔ mu ndadoa beram w’akomapono akyiDe akoma foforɔ sie mu aBɔ mɔdene hwɛ sɛ ne mpuma ano da hɔNa sɛ akoma no fa akuma dwedwa wo mu a…w’atumi anya baabi ahiri n’atoEfirisɛ ɛnɛ ɔdɔ betumi ayɛ ɔkyenabi tan B.Ɔdɔ wiemu nnyɛ anigye nkoa oƆdɔ […]
ƆpanyinƆpanyin a ɔpam nyin…san de nyin dane kɛntɛn butu mmɔfra B.ƆpanyinƆpanyin a wɔ de kyɛ nam…de tena ase ma nsa hyɛ damirifa mu…mma mmɔfra yɛ adwuma din D.ƆpanyinƆpanyin a ɔkasa ma obi nka biNso ne nsa ne ne nan nka sedua…hwɛ ma no fɔ E.ƆpanyinƆpayin a odi dodoɔ anim…pre som te sɛ bosom…gye nsa…gu ne […]
Afrafrantɔ ho fɛ ntumi ndane no ɔkɔreɛMpo adɔfoɔ nisuo ntumi ndane afɔreɛ…mma no ntu nkɔsi ewiem abakɔnmuEnhwiren nkɔrimu aaa na ɔbɛfiifii…atu mu dɛEnti gyae afrafrantɔ ahoɔfɛ akyiri di…na fa w’ahoɔden yɛn ɔkɔreɛ B.Ɔkɔreɛ wɔ daakye aniwaƆnsan nso nni ntaban mu anihaN’ahoɔden aboɔden tu firi nɛ yi kosi daakye a…enniboɔ, efirisɛ sika biara ntumi nfa ne […]
Adwuma pa ne nea etua wo ka…ɛbu wo tiboa bim…ɛsan tɔ aduane hyɛ w’afuruSɛ ɛbɛ pram wo fi o, Sɛ ɛbɛ fii tirimuhweefoɔ si ama wɔn asere wo o, Ɛnnyɛ wo ho mframa…nankampɛsɛ akɔma wo humeeEnti pɛ adwuma pa bi yɛ IINsa a ɛnyɛ adwuma frɛ ntitiyɛNtitiyɛ frɛ ekuroEkuro frɛ nwansenaNwansena frɛ nsansa nso tumi […]
Ayɛ fo oooƆmo bɔ no donkomi!Kristosom no ayɛ fooooEnti obiara nkɔtɔ bi!Efiri atifi kosi anaafoɔApueyɛ kɔpim atɔyɛObiara nfa ne kruwaa nkɔtɔ Kristosom no bi! B.Sesei wɔn atitiso sei huhuhuhuhuhuAdwamanbɔfoɔ tumi di nwomtofoɔ anim!Nea wohiaa ne sɛ…wo bɛ yɛ no wɔ sum aseAwingaafoɔ tumi yɛ nsɔrɛ nsɔre mpanyinfoɔNea wo hia ne sɛ…wo de nsɛmpaka bɛ brabra […]
Baabi a obi firieNyɛ wo haw ase mfifireNa wo de papa abɔ mu huu huu huuAgu n’anim ase asan ayɛ huuhuu B.Kasa a obi kaƐnnyɛ w’asɛm ho wɔ kaNa wo de ayɛ aseresɛmAma tirimuhweefoɔ de adi nkwasiasɛm D.Enti yɛ ahwɛyieMa ɔman yi asiesieNa atiyie yɛ asomdwoe ne ɔdɔ a abuoƐnnyɛ ɔtan ne ohuro ɛne ɛho […]
Abasobɔdeɛ yɛ adeɛ ɛnka ɛwɔsɛ yɛde hyɛ…mɔdinbɔfoɔ denTe sɛ nea nsuo boa faango ma teaseanam bɔ adwuma noNso ɛnɛ yiBebree noa na adane abasobɔdeɛ adwamanfoɔWɔ mmere a wɔn abrabɔ mmɔ mmɔden wɔ adwumapa biara muƐbɛyɛdɛn na ɔtweabi nfa nnadaa ntafre amamafoɔ ano? B.Abasobɔdeɛ mu gu ahorowNea ɛhyɛ afoforɔfoɔ nkuranNea yɛde sika tiridii kɔ tɔ de […]
