Ɛgya nnim ɛsrɛ mu nsronsronyɛ
Ɛnso asaase di ɛhyiɛ akyi afura mfa-me-ho ntama
Sɛ aniwa hwɛ apueyɛ kosi atɔyɛ
Na adwen de aniwa sini dane sumyɛ a
Na ɔhaw adane ekuro retutu honompa ani
B.
Teaseɛnam kwan bɔne nnim Asantenfoɔ ne Ntafoɔ mu nsrosroyɛ
Nanso amanyɔfoɔ de akwanyɛ adane tomamenyɔ
Ntomtom nnim sikani ne ohiani mu nsronsronyɛ
Nso asiesie mpanyinfoɔ ati ada
…ama ntomtom nsuten ɛremenemene ɔman yi
Nsukɔm nnim Akatamanso ne Ɔsono mu nsronsronyɛ
Nanso amanyɔkuo de fɔmagudie-tuo mu haw
…adane kyakya
Ama nsuwa nsuwa a Nyankopɔn de Nyankontɔn ahyɛ
…adane dontori
D.
Owuo nnim kasa mu ahorow
Nanso ‘anyansafoɔ’ de kasafi ɛrekyekyɛ ɔman yi mu
Ahohiahia tumi de sika daadaa Osikani sɛ ɔboro obiara so
…nanso sɛ ɔhaw memene ahiafo nyinaa a
…asikafoɔ na esi n’anan
E.
Sɛ tɛkrɛma mprɔ
Na kasapa mfɔ yi deɛ
Asowa asowa ntie esu brane
…a efiri twerɛdua kitiwa yi mu
Na ama Ghana anya anidasoɔ
Amoafowaa Sefa Cecilia ©Ahinime 14, 2022
Mum Cee 