GHANANIBA

Ghananiba te sɛ atuduro
Onsuro awia ɛne n’ahuhuro
Nanso ɛpɛ koraa ntumi nnyɛ n’adamfo
Enti hunu sɛ ɛbɔ-fɔsuo a ɛnane yɛ nsuboɔ te sɛ n’atamfo

B.
N’aduane deɛ, ɛyɛ ofie ne fie
N’abusuafoɔ ne no te sɛ nfɔtiɛ ne sie
Ɔdɔ n’afahyɛ, dɔ n’asa
Dɔ ne ntaadeɛ, dɔ ne kasa

D.
N’aduanedie tumi kyerɛ n’adwen
N’ataadehyɛ bu bɛ san tumi kasa kyerɛ n’adwen
N’asa yɛ kasa a abadweneba de di nkɔmɔ
Mpo ne nnwom wɔ tumi a etumi di nkɔmɔ

E.
Ghana mma dodow no ara yɛ tuntum abrane
Amanfra awareɛ ama ebinom yɛ kɔkɔɔ te sɛ esie anaa Kwesi broni
Nyiyimu nnyɛ yɛn su
Enti krotwiamasa owuo mpo suro yɛn su

Ɛ.
Yɛ di awoda ma no yɛ fɛ te sɛ nhwiren
Yɛ di yɛn afahyɛ ma yɛn kuro dani butu te sɛ ahenmanmu nhwiren
Yɛ nim ɔdɔ di, nim awareɛ amamrɛ
Na sɛ owuo to nsa frɛ yɛn mu bi nso a, yɛ nim ne nkogyadeɛ

F.
Ghananiba mapa yɛ nyansafoɔ
Yɛ wɔ subanpa san yɛ adɔyɛyɛfoɔ
Yɛ nim sɛ wɔnsɔmu wɔnsomu ara ne nnipa
Enti yɛ kɔ yɛnho yɛnho mmoa san dɔ nnipa

G.
Yɛ de nsɛnkuo ne asa kasa
Yɛ de mpintin ne afutuo tie san sua kasa
Wɛntwiwɛntwi twitwa yɛn nanti koraa a,
Yɛ mma no sekan na abɛtwitwa yɛn kra

H.
Yɛ dɔ yɛn nanom
Bu yɛn agyanom
Yɛ pɛ yɛn mfudiɛ
San dɔ y’afarediɛ
Ghananiba mapa te sɛ dua pa
…yefifiri baabiara a wo bɛ gu yɛn aba
Amoafowaa Sefa Cecilia © November 12, 2021