ABROKWAH MMADWOA

Abrokwah mmadwoa nni dwoa nti
Na ɔsonsɔn ne ho te sɛ aboa oguan
Na baabi a mmayowa di asa nnyɛ ne tenabea
Baabia ɔdɔ ntoklo deda nnyɛ ne kwan
Mpo na w’akɔ tena ɔdɔ dua ase
…n’ankampɛsɛ w’akɔte bi adi

b
Na ne sumyɛ mu mmakɔm nisuo
…bɛtumi ahyɛ Akwasua mma
Nso na onyin papa biara
Ɔyaresafoɔ no nhwehwɛmu no pansam n’abusuakuo daeso
Kosi sɛ y’ɛfrɛ no wɔ Kumnipa Afari Buajan ahenfie

d
Yɛ de too n’anim sɛ
Obi agu aba wɔ Agya Kwaa Atta abaayowa kitiwa no mu
…ama w’afa afuro
Na abɛtɔdwa sɛ
…saa pia no firi n’adjan mu

e
Na obibiara nnim ne ntam kɛseɛ no
Ne yarehwɛfo no wui ansa na ootu akɔtena Kɔkɔti
Ɔhwɛ abaayowa n’anim
… huu hu ne fɛreɛ
Enti ɔde too nananom anim sɛ
…wɔn ma no nnafua nson
…na ɔnfa moamoa ne ho mmɛhunu wɔn

ɛ
N’agya ne no kɔɔ bɛn koro mu sɛ
…ɔnkɔ gye abɔfra no ntumu
Ampaniampaa ɔgye abɔfra no
…tua nkwasiabuo sika
Nso ɔpaa Nananom kyɛw sɛ
…ontumi nware Efia Atta
Ɛno nso ho ka bɛ da ne so
…ma no tua yɛ

f
Mfie du akyi
Abrokwah ne ne ba Akyɛdeɛ tu firi Kɔkɔti kɔtena Afrancho
Na Efia Atta aware Attakorah mfie nsia
…a wɔn nnya ba
Efirisɛ Attakorah ho nsuo kɔɔ abɛgyini
Enti Akyɛdeɛ ne n’agya tuo no, haa wɔn
…ma wɔn de mirika kɔɔ Kumnipa ahenfie bio

g
Wɔn de su ne ahonuo kɔ pa akyɛw sɛ
…Akyɛdeɛ yɛ Attakorah ba
Na ahohiahia nti na ɛma wɔn de ntwatosoɔ too Abrokwah so
Nana ne n’atenafoɔ de nyansa ka kyerɛ wɔn sɛ
Obi nnua nkrumah nkɔnu abɛ
Ɔbrɛguo ne animguaseɛ a wɔn de gu Abrokwah no nnyɛ kumaa
Na w’akɔfrɛ akae no
Wɔn nnyinaa di ho adanseɛ sɛ
Abrokwah dɔ ne ba no
Enti wɔ de bɛ yi gya wɔn kwan
Neɛ ontumi ne awowa nko no
…nkɔ ka wɔn wuoɔ wɔ mere a wɔn tetare ho
Amoafowaa Sefa Cecilia © January 3, 2019

AHOBANBƆ

Sɛ afe afe ne ho afiri n’aprɔ
…ɛɛkɔ tɔ afe foforo nhyiaso yi
Asan afedie bebree na asumsum
Ɛnti ahwɛyie ne ahobanbɔ afidie
…a onipa biara hia de ayɛ ahowen

II
Bɔ wo ho ban firi asan ho
…na ma w’adɔfo adwen nkɔ adidie
…wɔ asomdwoe agrɔdibea
Bɔ wo ho ban firi ɔhaw ho
…na ma w’adɔfo tirimupɔ nnyɛ adwumadin
…mma ho mfaso bi nso wo so
Bɔ wo ho ban firi kookaa kookaa ho
…na ma wo fiefoɔ enya adwobrew abodin
Mpo yɛ ntasa ahwɛyie
…na obi mfomsoɔ aandane w’asan
Nna pɔ kitiwaa sane yɛ sane na
Ɔhaw tɔ buɔ nnyɛ den
…nso ne kɔdae yɛ ademua

III
Obiara hwɛ ne ho
…susu
…ansa w’atwa n’ataade
Obiara ka ne kenten
…butu
…ansa w’atam ahyehyɛ ne nuɔma apue
Onyansani na ɔde n’ani hwɛ
…ma n’adwen dwen
N’aso te
…ma ne hwene hwan
…ansa n’ano aka anaa
…ne nan akɔ
Anaa mpo
…ne tɛkrɛma atam akɔto ne yɛm
Amoafowaa Sefa Cecilia © December 27, 2019

NSƐM A EDIKA

Ɔman yi mu amaman
…ayan te sɛ sikan
Oyiwan mu suman
…ɛkyiran te sɛ saman
Ɔhaw yi mu abakan
…ne suatra suban
Prɔyɛ a ɛhyɛfa wɔ yɛn apakan-
…mu, adane nkoguo sekan
Sɛ yɛ hia ɛban ɛnɛ yi a
…ɛne yɛn amamrɛ sankɔfa
Nso hwan n’ɛbɛ di kan
…ama ɔman nan adi akyire?

b
Hwɛ atemuafo ɛkyɛ
…abrɔfo nsamanfo mpo mfa wɔn ho
Hwɛ adwumayɛfo ntadehyɛmu
…anyɛ abrokyire funu a ɛkasa a ehia adwodwo mframa a
…na ɛyɛ amanɔne mboduaba
Hwɛ yɛn kwansen mu nuane
…ɛndane, sɛbi, mpete agyanan?
Na yɛn anum kasa ayɛ?
…Ɛna merekeka bobɔ mu yi o!

d
Sɛ yɛn a yɛ deɛ mfata yɛn
Na amanfofro deɛ egya y’anibre
…a ɛhyɛ yɛn amirika
…mpo wɔ krɔno mu
…ma yɛ ti sika akɛseɛ kɔ tɔ
Sɛ yɛn nnyɛ yɛ kro mma no mfata
…na yɛ de mpiriho tutu akwan
Sɛ yɛn nnwomasua nsɔ y’ani
Na yɛ de anibere kɔ sua wɔ afoforɔ aman so
Yɛ bɛ yɛ dɛn akɔkan?
Yɛ bɛ yɛ dɛn akɔkan?

e
Y’ayɛ afɛfuodeɛ adwamanbɔfoɔ
…adane nnuɔmafo agyanan
Nsɛm yi di ka
Nso Amoafowaa anka a
…hwan na ɔbɛka?
Ɔman yi nam yɛ suban so bɔ ka
Aniwa aniwa abɔ wɔn ho anifra a
…Abena ano nka?
Nsesa mframa bɔ dabiara
…nso me gyina nea me gyina kokomu ɛban yi mmbu ntɔ
Yɛn nyɛ suban yi mu nsesa
…na ɔman yi nsakrapa awo ahodwoda

ɛ
Nsakrayɛ yi bɛ yɛ w’ahotɔ
Nsakrayɛ yi bɛ yɛ m’ahotɔ
Nti nka sɛ m’anopɔ
Na tu ho anibere anamon
Amoafowaa Sefa Cecilia © December 20, 2019

ASRƐSRƐ

Asare kɔ asrɛ
…kɔ srɛ srɛ aaa
…kɔ srɛ ɛsrɛ a yɛ de bɔ ban
…ɛsrɛ a abuso wɔ nwura mu
…ma amanfoɔ de sereɛ bɔ ne kahyire
Nso ɔsuwa aniwuo te sɛ nsuo a ɛwɔ ahina mu

II
Nkɔnkɔnsa mpanpan kyerɛ a
Asare ayɛ sɛ abirekyie no
Yɛ de aniwuo dani abaa
…bɔ no tuu tuu koraa
Adekyeyɛ bɛ bɔ no awerefere
…ama n’asan akɔfa ne srɛ akofena
…akyini Mansrɛso
…asrɛsrɛ

III
Nkyerɛase bebree na ɛnenam n’asrɛ yi ho
Ebi sɛ
…ɔyɛ abɔfra no
…ne maame de oyiwan na na etwitwa ne mmɔwere
Angyae no krɔno na egya no asrɛsrɛ
Ebisɛ ɛyɛ duabɔ na ama n’ayɛ saa
Ebi sɛ ɛyɛ bɔdam aniateyɛ
Ebi nso ɛkeka sɛ ɛyɛ akwadwurɔ

IV
Asrɛ nnyɛ krɔno dieɛ
Nso ne dodow yɛ abufuw
Ne nnipa ho yɛ ahofono
Ɛna ne nnipa adamfofa ho yɛ aniwu
Asrɛ nnyɛ dua a
…nnipa tena ne suban ase
…gye mframa daa
Amoafowaa Sefa Cecilia © December 13, 2019

AKUAFOƆ NSAMRANE

Nkasɛi akono nkonimdifoɔ
…ayekoo
Awiaden ano mɔdinmmɔfoɔ
…ayekoo
Nsubrane ano akukudurofoɔ
…ayekoo
Mmoadonoma huhuuhu mbɔ mo hu
Mfifire ne awɔ nnyɛ mpa mo aba
Sɛnea mo nnyim asaase ma ɔwɔ yɛn nuaba
Na mo yɛn wɔn ma wɔn som yɛn yɛm deɛ
Yɛ ma mo ayekoo!

Ab
Y’akuma pono nyinaa nsafoa
…kura akuafoɔ
Yɛn tɛkrɛma ayeyi kɛse n’ara
…gyina akuafoɔ so
Yɛn nyini ne yɛn ahoɔden fa kɛse n’ara
…gyina akuafoɔ so
Akuafoɔ ne yɛn teaseɛnam wɔ y’ɛnkwa mu

B
Enti ndidi ɛmmin
…nkesu ɛnda
…a wonda akuafoɔ ase
Enti ɛnkasa ɛnto w’abasa ɛnsa
…a wonyi akuafoɔ ayɛ
O ɛnwisa w’ano ɛnɛ da yi
…a wondwene akuafoɔ ho
Efisɛ aduane nfiri asaase mu nyini anwanwasoɔ
Ɛyɛ nnipa brɛ ne nfifire
…ɛna ɛnyɛn nnɔbae

D
Enti piri ɛkwan pa
…ma wɔn nnyuma pa
Ɛyɛ a, piri sika a ɛfata
…ma wɔn brɛ pa
Piri nfidie pa
…ma wɔn nfa nhyɛ wɔn nnɔbae
…na amprɔ
Okuafoɔ biara nkwa ho hia
Sɛ ɔde mfidie na ɛyɛ adwuma o
Sɛ ɔde ne nsa n’ɛdɔ o
Mpo wɔn ho fi hia mo ne yɔ
Efisɛ akuafoɔ na ɛmma yɛn asetena faango
…ma yɛ de di ateasefoɔ dwa
…wɔ asaase yi so
Amoafowaa Sefa Cecilia © December 6, 2019

AKOKƆ ASA WƆ AKROMA KROM

Yɛ se yɛn mmra nantinkwa
…na kro chia hyɛ me nan yi
Yɛ se yɛn mmra ano nkatumuo
…na kasa ɛgoro m’anum yi
Yɛ se yɛn mmra nsa pan
…na gong gong ɛgoro me nsa ano yi
M’adane ɔpatuo wɔ nnomaa a wɔkɔ anɔpa su krom
Me yɛ dɛn goro serehehe?

II
Ɛnnyɛ abɔfo tuo ano
…na ɔha piri ahumɔbrɔ
Ɛnnyɛ awia hyew ano
…na nkuto piri awɔ
Ɛnnyɛ mframa mmirika tiriho
…na ntakra piri nna
Enti mɛ yɛ dɛn atena asaase yi so?
…Me apataa a m’abɛtɔ nkraman a wɔ te kɔm kro mu?

III
Ɛnnyɛ soronko biara n’ɛyɛ kronkron
Ɛnnyɛ apueyɛ bia na ɛwɔ atɔyɛ
Abrɔ a ɛwɔ ɔtan agoro ano
…ka sɛ oodi w’awu a
W’anɔpa bɛ dum wɔ sum ano
W’awia bɛ wia w’anigye wɔ ewiemu
Na w’anadwo asɔ hann de akyerɛ w’atanfo
…wo mfoni bɔne
Wo papa biara nni hɔ a
…ɛsɔ ne kanea wɔ w’atanfo anim
Yi apae na wo mpuntuo ankɔhyɛ
…w’atanfo nsa yɛm
Amoafowaa Sefa Cecilia © Nov. 29, 2019

WO NWUMA

a.
Ɛyɛ maapɛ na ɛmaa Kwaku
…n’apɔkye din
Ne merɛ so no
Na onnim ɔbaa kitiwa
…ɔbaa kɛseɛ
…ɔbaa tiatia
…ɔbaa tintin
…ɔbaa berima
…ɔbaa warefoɔ
…ɔbaatan
mpo na w’akohunu ɔbaa yarefoɔ
Sika boa ma owurawura ayaase ahorow
…kosi sɛ ɔware ɔbaa animonyamfoɔ a ɔwɔ Krɔwaso

b.
Abaawa Afua ne Apɔnkye abakan
…kɔyɛɛ abaayowa
Abaawa Afua ne Apɔnkye Manu
…kɔyɛɛ abaayowa
Wɔ bɔɔ Mansa
…Manan
Kosi sɛ wɔn duru Ansomaa
…na wɔn pɔn awoɔ
Kwaku Apɔnkye bɔne hyɛ aseɛ so so n’adae bɔne
Ehu kyekyere no
Kɔdanda supa no
Birimbɔ kum ne bimbuo wɔ ne tiboa atɛnnee mu

d.
Ne mma no hyɛ aseɛ bobɔɔ nufoɔ pɛ
…na ɔkɔtɔɔ nkraman du bɛ wɛn ne ban ho
Ɔhyɛda tɔ nkrantɛ nufanu
…si no hwitahwita
…ɛma dawubɔfoɔ bɔ dawuro sɛ
…ɔbarima biara a obɛtu n’ani asi ne mma maa no so no
…adi a ɛbɛyɛ wɔn sene nsuomunam awerɛhosɛm
…wɔ anwa a esi gya so mu

e.
Abarimawaa baako kɔ sɔ hwɛ yɛ
…nkraman kekaa no pasaa
Ɔhohoɔ bi ne n’abakan kɔ kasa yɛ
…odi asutorɔ bɔne ma n’pantan pasa yɛ
Ne sika nti
…na Nana Bretuo koraa ntumi nka n’asɛm
Enti ne mma no nyin yɛ no
…na Krɔwaso mmarima akyiran wɔn

ɛ.
Ebi tuu wɔn din gyata mma
Ebi kekaa sɛ wɔn ho mpo nnyɛ fɛ
…enti tuu wɔ mpi sɛ Amangaa mu Apisɔ
Ebi frɛ wɔn Ammodin fiefoɔ
Krɔwaso fa too ne ho so
…bɔɔ ahohoɔ nyinaa Apɔkye fie nkaseɛ
Kosi sɛ ne mma no nyinaa bɔɔ mmerewa
Neɛ ohunu nyansa tu firi koro ne mu no
…Mansa
…ko nyaa ɛnyinam afidie akwanhyia
…wuu amonomu hɔ aaa

f.
Onyankopɔn Twerɛduampɔn aama n’anwu ntɛm
Kwaku Apɔnkye bɔ akwakora poso poso
…hunu ne mma nyinaa ankonam akwantuo wɔ asaase yi so
Esie wɔn mu num ansa ɔɔka n’ani agu so
Wei kyerɛsɛ
…obi ngu ntoosi aba ntwa brɔde duro
Sɛneɛ wo sunsum sa wo no
…saa nso na wo nwuma bɛ di w’akye
…akoduru w’awieyɛ
Amoafowaa Sefa Cecilia © Nov. 22, 2019

CHACHA

Yɛde nwomasua ɛɛto chacha
Ama ayɛ tesɛ ekro aa aprɔ sɛɛ pachaa
Asresɛm ne sɛ
…yeemia no wɔ akrɔkrɔ kwan so
Yɛbɛyɛ dɛn atu mpong?

II
Obiara nim sɛ nwomasua yɛ y’atwideɛ a
…y’ehia de afiri ahohiahia yi mu
…akosi mpuntuo kro mu
Enti deɛn nti na Ɔmama bɛ to kɔ benkum
…na Opreman ni abɛto akɔ nifa
…Ma Kwaa Agyei bɛ to kɔ sro
…ama Agya Adwo abɛtuɛ asi fam yi?

III
Yɛn ma mmra nka yɛn bra
…tesɛ nea Abokyifoɔ ka wɔn nantwie
Yɛn ma adwene ɛnha tipɔ
…tesɛ neɛ abɔfra yarefo ha n’awofoɔ no
Yɛn ma ano nkɔ kasa
…tesɛ neɛ abaa ka debɔnifo no
Efirisɛ ɔman yi yieyɔ
…gyina w’dwuma agyapadeɛ a
…w’atikɔ nfa nkɔwura owuo bɔn mu
Wo ne me nan so
…na nkyirima bɛfro ne wɔn amanaman nfɛfo
…apiri atepen wɔ daakye mmerɛ mu
Amoafowaa Sefa Cecilia © November 15, 2019

ƐYƐ W’AKOSUA KUMA?

Nana Nyame Totrobonsu
…nyansa sene ade nyinaa nti na
…obi Akosua kuma nnyɛ obi anum no
Enti neɛ ɛmrɛ atukwan abɛduru wɔ nyansa mu yi
…a kwajo hoho adwene gu so te wo nyansa so yi
…wo nhunu sɛ, sɛbi, nkwaseɛ nwansena ɛɛguro wo nsɛmka ho?

II
Kyerɛsɛ Kwame Asikuma
…bɛtumi asi n’agɛgɛ mu
…agu aba wɔ ɛmmaa du ayaase
…agye nnamu nson no nyinaa a “papa” mbata ho abodin
Nso tɛkrɛma biara nkyerɛ n’ase wɔ b’adwamu,
Mpo sɛ ne bɔne sene adebɔnefo nyinaa deɛ a,
…firi sɛ otua dua
Akosua nkoa kɔ so aba krɔ firi n’ahosɛpɛ mu a
…w’adane duawa a ɛwɔ sɛ amanfoɔ we wɔ nkunkɔn so?

III
Krakyi
…obiara asaase nna ɔbaa biara ayaase
Na w’akɔ tena hɔ tesɛ abɛnsuo dua ase
…akɔ kyerɛ mmra ase
…de apɛ n’animguase
Ɔbarima biara a ɔkyerɛ mmaase
…tesɛ tuuse a yɛde ɛkɔ ma Kaase
…wɔ ne dam akuara ase
…a yɛfrɛ hɔ Bɔdamase
Enti nhwehwɛ nnaseɛ nfiri onyansani biara apata ase
Efiri sɛ w’akyerɛ ɔbaa bi ase
…de agu n’anim ase

IV
Sɛ ɔbaa bi ano a ɛda n’ayaase
…yɛ w’ano a wo de kɔ mukaase-
…a, mesrɛ wo
…ka w’ano tum
…na ka wo se si so
Sɛ ɛhɔ nso yɛ wo Okuafo nsuo a ɛpata wo nsukɔm a
…ɛneɛ agya
…gye ho ban na pɛ krado bi fa kɔ to mu
Ɛma ɛmmɛ tena abɔnten mmue wo dede gya
…nfrɛfrɛ nkurasedwene wɔ mmerɛyefoɔ tirimu
…ɛmfa nsɛi adwene pa

V
Mmere atukwan abɛduru anibue mu
Enti ma w’adwene nso ntene nyansafidie mu
…na ɛmɛduru ɛnɛ yi faahodie mmrɛ mu
Na hunu sɛ
…ɔbaa biara kura ne homam faahodie safoa
Sɛ wɔn bɛbue wɔn ayaase
…tesɛ ɛkwan a ɛkɔ Efiduase
…ama wɔn a ɛbɔ dondo abɛ goro wɔn Antoakyire wɔ hɔ o
Sɛ wɔbɛ kɔ akɔbɔ dawuro wɔ Ankaase
…ama abɛtiri a ɛwɔ ntini nyinaa
…abɛ twa wɔn asaase wɔ wɔn ayaase o
Ɛnnyɛ wo ho mframa
…n’abɛyɛ w’asɛm
Enti pɛ nsakrayɛ pɔ bi bɔ to wo ti mu na ma yɛ ndwene
Amoafowaa Sefa Cecilia © Obubuo 8, 2019

ƆDƆ NSƆKƆ (20+)

Yɛse ɔdɔ kɔ baabia ɔdɔ wɔ
Enti me ti wo nne a na me ho afɔ
Efirisɛ wo ho kɔm kɔm tesɛ atɔyɛ nsutɔyɛ
Sei frɛdɛ frɛdɛ frɛdɛ wɔ ayaase asuɛyɛ
Wo yɛ ɛta a me hia wɔ me sen mu

II
Wo sɛ etuo a me hia wɔ m’fuom
Wo yɛ amaango a me hia wɔ me kɔm mu
Wo yɛ nsuo a me hia wɔ me nsukɔm mu
Wo yɛ tso a me hia de aka me tsoromunsto ho
Wo yɛ krobonko a me hia abɔ me nkuro
Wo yɛ kwadu a me hia ahyɛ m’aduii bi anum
Wo yɛ abaa a me hia abɔ m’ahohiahia
…de afrɛ ahosɛpɛ adwa me man

III
Enti bra bɛtɔ na m’afɔ
Enti bra bɛ sɔ na mere tɔ
O bra bɛ yɔ na m’asro
Ɔdɔ pɔ yɛ abien abɔdeɛ
Enti m’abɔ ɛpɔ no
…agya bɛsane
Na ɛno ne ɔdɔ aduane
…wo bɛti afrɛfrɛ a wo tua dua akɔno so
Amoafowaa Sefa Cecilia © October 25, 2019

MPRƆYƐ MU

Nneɛ ɔkaa sɛ bebia abɛ bɛtɔ biara yɛ mprɔyɛ mu no
…yɛ ɔbadwenba a adwenehare kyekyere n’aniso adehunu kakra
Efirisɛ abɛ bi tumi tɔ egya mu
…ɛhye
Abɛ bi tumi tɔ ɛboɔ so
…ɛwo
Abɛ bi ti tɔ fɔm ma mmoadoma we
Abɛ bi tumi tɔ nnɔti bi mu
…ɛmmim a y’ɛnhu n’adwosuo koraa
…na y’akohunu ne prɔyɛ
Enti tɔ baabia wo ho bɛtɔ woɔ
…ɛnyɛ baabia wo bɛfiri atɔ
Hunu sɛ
Ahodwoɔ adanseɛ
…y’ɛgye no wɔ akoma anum

II
Nnipa bi hia wo ahoahoa wo te sɛ akyɛdeɛ papa bi
…nso ebinom anya wo ɛtiatia wo te sɛ akoa
Nnipa bi ɛɛpɛ wo de wo ayɛ wɔn abasobɔdeɛ
Adɛn na wo tena hɔ ma nkrɔfoɔ twi w’ase wɔ nkoasom mu?
Wo nnyɛ mpapa dua
…na w’atwɛn okuani sikan ano ya
…ansa w’akɔ si kapenta anaa adefɛnyunofo bi nsɛm
Baabia abɛ bɛ kɔ tɔ no yɛ n’ahyeaseɛ
…aweiyɛ no gyina n’amunimuni tumi so

III
Enti bɔ wo bra tesɛ nkontapa bufoɔ
Wo nan si ha
…n’ɛpatri a
…fa mmɔdimmɔ yɛ adwumadene
Na hwehwɛ agyinae pa
…ɛwiawia kɔtɔ
Efirisɛ ɔbra deɛ
…ɛnoaa ne nea wo de wo wediɛ apre abɔ akɔduru
Amoafowaa Sefa Cecilia © October 18, 2019

For foreign followers:

(This is an inspirational poem encouraging readers to work to be in places where they’ll be needed, or places where their worth will be appreciated)

AKUKU-ADAMFOƆ

Na ɔmama abɔ mma
…ama ɔnam a, na n’abati ɛɛto ahantan nnwom
Efirisɛ na obu ne ho okukudam
N’ɛnso wɔn a wɔhyɛ n’ase nyinaa buu no okuku-ɔdamfoɔ nnyɛ nɛ

II
Wo bisa sɛ ɛdeɛn ntira?
Ɛneɛ tie ɛ
Ɔde suahunu ɛkɔtena suatera dua ase
…de pia pia nsukɔnoma kɔ dua no so
Ɔfaa nyamberansɛm yi so kenkan wɔn nhweneɛ
…san de kukɔɔ wɔn adagya mu nsrahwɛ wɔ ehu hyɛn mu

III
Nnura yi a,
Aberantipa no kyeree Akuba de no tena ne tiaseɛnam mu tesɛ Bronya akokɔ
Wɔn duru ne nhyɛsoɔ kokomu hɔ no
M’enfrɛ hɔ efie da
Ɔwɔ no nkonsa ma no kɔ si ne nneɛma
Owie yɛ no
…ɔsan nso si n’agegemu kosi sɛ Akuba atufokɛseɛ no dwo yɛɛ traa
Aa ɔnyɛ n’asiwa
Ɔde nsɔhwɛ mu ndiguo na ɛdane etuo
…de bɔ no ntrɛne

IV
Ɛnɛ yi,
…ɔde n’asɛm kɔɔ Abaawa so no
Ɛna n’apaawa abɛtɔ animguaseɛ gya so no o
Enti wo te akuku-adamfoɔ a
Na ɛyɛ wɔn a wɔn de wɔn sɔsɔ
…eetu mmaayaa ayaase wɔ suapɔn abodin mu
Wɔn kɔfabae ɛne “Okukudam” a n’apaawa da so yi
Amoafowaa Sefa Cecilia © October 11, 2019

AYASE NTƆKWA

Akasa akasa bebree yi fapem ne sɛn?
Yɛse yɛse mframa ɛɛkeka ammodin dɔ ho asɛm
Bɔyiɛ!

Ib
Ano jejejeje bɔ awerɛfie
Sɛ sɛbi, yɛ nto ɛdan akyi pono mu
Paapa,
…ansa na wo bɛ bue w’ano no
Hwɛ hunu sɛ
Wo dan akyi pono mu ato danwee
Efirisɛ ɔdɔ mu akronfoɔ kyere woa
…ɛɛdɛ sene deɛ ɔdɔ mu kyewpafoɔ abasobɔdeɛ
Ɛdeɛn na nananom aanyɛ anfa abosomsom tumi gyina ho?
Nanso ɛnɛ yi
Halleluya ntiamu bɔ nananom abosom asasa
Ɛnkyɛ na abufuw adane bɛfame mpaebɔ

II
Ɔdɔ mu nsɛm nsɛm nyɛ me Abena Tawiah Amoafowaa dadwene
Efirisɛ obiara akuma ne ne nan
Ebi nanti kɔ wɔn anim
Ebi nanti kɔ wɔn akyi
M’entumi nbɔ me deɛ adwaa
Na m’akɔ fa obi deɛ asua akɔ kyini
Sɛ anim pono ne n’akyi pono wɔ apue yi de
Abɔntene kwan yɛ efiewura nkoa tirimusɛm

III
Ɛwɔ mu sɛ nnipa su ma awufo deɛ
Ɛno nkyerɛ sɛ efunu nkɔ mprɔyɛ mu
Enti mma nnisuo hunu nsɛye w’aniso adehunu
Ano ka nsɛm a aduru n’asuɛye
Nanso akekakeka bebree bɔ tirimu pɔ asesa
Wo deɛ na hwɛ
…na w’akoma akɔso
Ɛnɛ asetena pɔnkɔ nte fo
…na w’afa ne ho akonya menemukro
Amoafowaa Sefa Cecilia © October 4, 2019

YƐNFRƐ YIE

Yɛnfrɛ yie o
Na yɛngyai sɛ y’adane yɛn ho abɔmɔfo bɔne
Ɛɛtoto yɛn ho yɛn ho piaw
Wɔ nsɛyiɛ adjan mu no

1b.
Nnɔbae bɔne abobɔ wɔ yɛn nfuo mu
…kɛtɛasehyɛ bayerɛ
…prɔyɛ mankani
…krɔno brɔdeɛ
…anibrɛ ɛmmo
…ntrɔ bankye
…pɛsɛmenkomenya ntɔrewa
…w’ati me w’aka me mako ne ne nkeka ho
Nso yen tima nframa ma wɔn nyinaa ahumee
Yɛnfrɛ yie!

2.
Aduru mmre a ɛsɛsɛ adeyɔ hyɛ yɛn ntini mu ma
Mmre a ɛwɔ sɛ yɛtwa nnɔbae bɔne yi nyinaa gu aduru
Nanso yɛ yɛ adwuma den
Tɔ atuduro de hyɛ gyidie tuo mu
De pia mprako a wɔn hyɛ nguan ntaade
Ma wɔn kɔ sɛpɛ wɔn ho nyini wɔ prɔyɛ yi mu
Nso yɛkɔ so ara soma mprako a wɔn hyɛ nguan ntaade
…ebi de yɛ kɔkɔɔ
…ebi de yɛ fitaa
…ebi de yɛ tuntum
…ebi de yɛ ahabansuo ne neɛ ɛkekakeka ho
Yaa Obenewaa nkwadaa nnwom yi hia wɔ ɔko yi ano

3.
Nana abrewa kɔtɔ prako
Prako no su sɛ ɔrenkɔ fie
Nana abrewa kɔtɔ kraman
…kraman ka prako
…prako hunu kwan kɔ fie
Nana abrewa kɔtɔ abaa
…abaa bɔ kraman
…kraman ka prako
…prako hunu kwan kɔ fie
Nana abrewa kɔtɔ ogya
…ogya hye abaa
…abaa bɔ kraman
…kraman ka prako
…prako hunu kwan kɔ fie
Nana abrewa kɔtɔ nsuo
…nsuo dum ogya
…ogya hye abaa
…abaa bɔ kraman
…kraman ka prako
…prako hunu kwan kɔ fie

4.
Yɛnfrɛ yie!
Nsoma nkanyan nkɔbɔ nnyuma bɔne akyi! Mfa atuduro mpia buruburugya!

4b
Boa maa mpanyinbɔne nhwehwɛ nnyuma pa akyirikwan
Efirisɛ mmre nni nsan akyiri nan
Nso ɔwɔ nhwɛakyiri ani
San kura mfoni afidie
Eetwa yɛn tesɛ sene
Owuo kyere yɛn tesɛ neɛ nkrɔma kyiri nkokɔ a
Ne tumi a wɔ ne nsɛmka mu nni awei
Efirisɛ ne mmrɛ nkoa na ɔbɛwɔ ano
…de bɛdi yɛn mɔdenbɔ ho adanseɛ
Amoafowaa Sefa Cecilia © September 27, 2019

IN THIS CUE

AMOAFOWAA.COM
AMOAFOWAA.COM

We are in a cue

We will dock when we’re due

There is nothing like immortal few

And there’s no one to really sue

Let the natural tongue speak of life’s curfew

CHORUS

“Mere bi bɛba

Nↄti bɛkↄ nↄte mu

Ama nↄte abobↄ nompe mu

 ɛse bɛguan atua agyaboↄ

Na nↄte akyire nhwi deduam

Onua hwan na  ↄnkↄ mere yi mu?”

II

In this long cue

Some might see the hew

With no regard for souls who mew

As more follow in the new

Once caught, no words can free from the pew

And oh, who cares if all view?

Let the natural tongue speak of life’s curfew

CHORUS

“Mere bi bɛba

Nↄti bɛkↄ nↄte mu

Ama nↄte abobↄ nompe mu

 ɛse bɛguan atua agyaboↄ

Na nↄte akyire nhwi deduam

Onua hwan na  ↄnkↄ mere yi mu?”

III

Who still wants to be a shrew?

When these storms are in the brew?

None knows of the pruning crew

None knows of the hands which the rope did drew

Each from the cue will form its own stew

Let the natural tongue speak of life’s curfew

CHORUS

“Mere bi bɛba

Nↄti bɛkↄ nↄte mu

Ama nↄte abobↄ nompe mu

 ɛse bɛguan atua agyaboↄ

Na nↄte akyire nhwi deduam

Onua hwan na  ↄnkↄ mere yi mu?”

Amoafowaa Sefa Cecilia (c) 2015

PEACE, ASOMDWOE.

Gentle talks defeat flying sticks

Whipping mouths wake darkness in hearts

“Ano brԑbrԑ ma abaa tↄ

Ano mfiawa huhuru akuma”

Talk to the tongue,

To talk to the sharp teeth

To stop salivating when tempers stand

For all.

Otuu “ayԑ me, me nso mԑyԑ no bi”

In fact, Otuu “ayԑ me, me deԑ me de ԑyԑ behyԑ no”

Supporter, “ahyԑ no” singlet, “ahyԑ no” trousers, “ahyԑ no” shirti,

“Asan ahyԑ no kyԑ, na mede spԑԑce ataa so

Efirisԑ me yԑ” king-kong.

Ԑna ԑyԑԑ dԑn?

Sԑ yԑ bԑ hunu sԑ, wo yԑ ԑyԑ mu king-kong de aduane bԑsi wo pono so?

Sԑ amanfo bԑhunu sԑ obiara ntumi mfa wakyi nka fↄm

De sika bԑhyԑ wo bↄtↄmu?

Sԑ obiara bԑhunu sԑ wo ho yԑ dene

De mpuntuo bԑba wo manfo abrabↄ mu?

Think peace,

Think hard work,

Think harmony,

Think development

And cut the chase of war

A gentle mouth sets the pace.

    Amoafowaa Sefa Cecilia © 2014.