EWIASE

Ewiase te sɛ nteaseɛ nkyiayɛ
Emu tena yɛ ya
Enti na etire hia adwene
…honam hia ahwɛyie banbɔ
Ɛna akoma hia ntoboaseɛ boɔ
…de adi nyinkyɛ

B.
Ewiase yɛ hu o
Ɛyɛ hu te sɛ sasrabonsam a onni ahumɔbrɔ se
…nankapɛsɛ w’akonya akrɔkrɔ mmɔwerɛ
Enti na pɛtɛ nam yɛ amanfoɔ tan san nso yɛ Sikaman nyinaa akyiwadeɛ
…nanso prako nam yɛ ebinom dɛ no
Na anka ɛdeɛbɛn ntira?
Sɛ anka mmoa abien yi nyinaa yɛ fi o?

D.
Ewiase yɛ hu o
Ɛyɛ hu te sɛ aboa ɔkyɛm
Enti na aboa akokɔ te fie
…na aboa antorohwieɛ da nnwuramu
Ewiase yɛ dene nti na aboa kraman da fie
…san boa nnipa ma wɔn kɔ tasi ɛnwa wɔ nwuramu

E.
Enti Abena ɛbɛnya ɔdɔ wɔ Afrankyo
Nso Akua bɛtumi anya amane
…nantesieɛ korɔ no aaa mu
Enti Akwesi bɛnya agudieɛ wɔ Abene
Nanso Kwadjo bɛtumi adi abene wɔ Abene hɔ aaa

Ɛ.
Enti tutu w’anamɔn te sɛ ɔwienfoɔ
Na bɔ wo ho ban te sɛ Otumfoɔ
Wɛn wo ho te sɛ aboa gyata
Na bɔ bra pa a ɛfɛta
Na w’ahunu ɛkwan a ɛbɛgye wo
…ne neɛ ɛngye wo
Wɔ w’asetena mu
Amoafowaa Sefa Cecilia © July 30, 2021