WIAMUA OWUO

Owuo de ɛkɔm eedi akɔm
…ɛwɔ ateasefoɔ mpɔ mu
Owuo de nkwa adane ɛkwan
…ɛwɔ nnipa aman mu
Owuo de nsukɔm eepia nisuo
…ɛwɔ nkwa ajosuo yi so
Nso nnipa a wonni tumi
…wo fa he kɔ ko?

B.
Owuo bɔ hu ooo
Ɛɛkyere w’adɔfoɔ no na ɛɛbɔ wo nkae!
Owuo hoɔ hu ooo
Ɛmene w’atamfoɔ no na ɛde ahi ɛɛbɔ wo nkae!
Owuo hoɔ hene ooo
Ɛfa mpanyimfoɔ no na ɛkyekyere mmɔfra!
Nso nnipa a wonni tumi
…wo fa he kɔ ko?

D.
Owuo te sɛ apankan ma onyiniborosoɔ
Owuo te sɛ wiemuhyɛn ma nea w’ayare akyɛre
Owuo te sɛ yɔnkoɔ ma nea oodi apinisie
Nanso owuo yɛ ɔkyɛm a ɔkyere mmɔfra
…kum mmabunu
…dwedwa mpayin
…wia mmotafowa nom
Nso nnipa a wonni tumi
…wo fa he kɔ ko?

E.
Owuo nni yɔnkoɔ ooo!
Enti siesie wo ho sie
Owuo nnyɛ suahunu ooo!
Enti bɔ bra a ɛfata wo
Owuo nnim ɔdefoɔ ooo!
Enti fa ɔma suban nante
Owuo mmɔ nkae ooo!
Enti nfa nnuho nsie w’akoma mu
Owuo yɛ homhom huuhu a Otwereduampong anwene
Enti hwan ne nnipa
…na ɔne no akɔdi ako?
Amoafowaa Sefa Cecilia © May 21, 2021