AGYA TUA DUA

Agya tua dua nso ontumi nnua nti
Amanfoɔ si no huu de aniwuo kyekyere n’abati
Ebi frɛ no ɔbaa basia
Ebi frɛ no ɔba kwasia
Ebi frɛ no akokɔ mɛsa
Ebi frɛ no
…ahuhuro mu awɔ
Nso agya tua dua a Nyame ankasa adua

B.
Sɛ nka nnipa yɛ Nyame a
Anka me tiboa betumi aboa wɔn huro yi
Sɛ anka nnipa yɛ Ɔbonsam a
Anka m’akoma mu abufuw akɔm yi
Bɛ di hyire ati atɔ
Nanso nnipa yɛ nnipa
…ammɔ srɛ na w’akɔbɔ nan
…ammɔ aniwa na w’akɔbɔ hwine
…ammɔ nan na w’akɔbɔ dua
Enti nnipa ne hwan na w’akɔbɔ obi akwaa srehehe?

D.
Wo yɛ nnipa mu nwia
Sɛ wo fii wo se sere nnipa akwaa a ɛho ati kyema a
Wo yɛ nnipa mu akwaagyadu
Sɛ wo ma aniwuo kyekyere obi anigye a
Agya tua dua nso ontumi nnua
Nanso Nana Nyame na ara na ɛbɔɔ no saa
Nti ka w’ano tom o ton! Amoafowaa Sefa Cecilia © May 14, 2021