Awo Yaa Eno
Tu kɛseɛ a okyinkyim mmarima adwen
…ma wɔ bɔ nsansa
To pia fa adjan kum wɔn awareɛ
…bɔ wɔn ti nsa
Ma wɔn tɔ wo dɔ nwura mu kɔ hwehwɛ wo yera tokro
…wɔ anifra mu
Wo nsamrane soso
Nti w’ahwim m’awareɛ a
…nsan nfa yeyɛ akuturuku nka ho
Efirisɛ daakye nnyɛ bɛtɛɛ mma atufokɛseɛ
b
Neɛ wohunu yi a adwiri te sɛ bepɔ a yɛde mfidie apia agu yi
Na ɛwɔ honam a ɛsene wo deɛ a wode eebu ne pa yi
Neɛ asɛi a worehuru soɔ yi
Na ɛyɛ nahanaha te sɛ ɔpramire wideɛ
Ani a ahani hani a wo de yeyɛ me yi
Na ɛyɛ wo wura foforɔ yi ahwehwɛ gronyii
Ano yi a onyini ate asi soɔ yi
Na ɛyɛ w’akɔnɔdeɛ yi wapi dɛdɛ bi
Nti mfa ose nhuru m’aniwuo
Mmrɛ nyiyimu da
Ahwehwɛ papa biara nni hɔ a ɛbɛ twa wo merɛ daniɛ ntrɔ
d
Nti di wo mmrɛ
Bɔ wo bra
Kura agyapadiɛ a m’ahwiri
…na w’anya no yie
Efirisɛ nsutene mu nam gu ahorow wɔ ahoɔfe mu
Na wɔsene wɔ adaniadani mu dabiarada
Sɛ wo wura wɔ ani yi nkoa deɛ
W’adwuma so
Nti kɔ w’anim na gyae ntomago yi
…mma aserefoɔ ntiatia no
Na sɛ mmɔbrɔhunufoɔ bi ho no mɔbɔ fa no si no a
…w’anya baabi ahata
Amoafowaa Sefa Cecilia © May 29, 2020
Mum Cee 