POETRY

ABRO NYA

Ayɛ Bronya yi
Na abɔfra Yesu awoɔ abɛhyira ewiase yi
Dane wo ho ɔdɔ safoa
…fa bue ohia nkoa
…a wɔn gu ahohiahia kokomu
Mo ma Akristofoɔ ho nyɛ amanaman akɔnɔ wɔ nhyira mu

B.
Ayɛ Bronya yi
Nya akomapa bi
Fa dwene w’atanfo ho sɛ obi a ɔfata ɔdɔ
Nna ma ɔtan ne akomahuro no nkɔ

D.
Bronya nnyɛ abrɔ nnya
…ɛsan nso nnyɛ ɛbrɔ nnya
Dwene ho sɛ ɛyɛ abro nya
…a abro no yɛ nhyira ne nkabɔmu
Enti fa Yesu yɛ wofɛrifoɔ na yɛ adwene bɔne nyinaa papa

E.
Bronya yɛ anigyeyɛ
Bronya yɛ nsakrayɛpa
Bronya yɛ nnase da
Bronya hia kasapa
Bronya kyerɛ ahofama
Sɛ Bronya kyerɛ ɔsoro dɔ a
…ɛneɛ ma ne kabea nhyirɛn wɔ w’akoma mu
…ma no mpue wɔ wo honam ani
…ma wiase nyinaa nhunu
Amoafowaa Sefa Cecilia © December 25, 2020

Tags #AkanPoems, #Anwensem, #GhanaianLanguagePoemsOnChristmas, #TwiPoetry, Bronya

By amoafowaa

Just a simple Ghanaian trying to find the best in our society. I may be fun, I may be interesting, I may be funny, I may even be foolish or intelligent, but it is all based on the mood in which you find yourself. I believe our minds make us who we are. Know that, pain, no matter its 'unbearability', is transient. Unburden or delight yourself for a while in my writings please. And all corrections, advice and opinions are welcome. Know that you are the king, queen or royal on this blog. :)

View Archive