AHOBANBƆ

Sɛ afe afe ne ho afiri n’aprɔ
…ɛɛkɔ tɔ afe foforo nhyiaso yi
Asan afedie bebree na asumsum
Ɛnti ahwɛyie ne ahobanbɔ afidie
…na onipa biara hia de ayɛ ahowen

II
Bɔ wo ho ban firi asan ho
…na ma w’adɔfo adwen nkɔ adidie
…wɔ asomdwoe agrɔdibea
Bɔ wo ho ban firi ɔhaw ho
…na ma w’adɔfo tirimupɔ nnyɛ adwumadin
…mma ho mfaso bi nso wo so
Bɔ wo ho ban firi kookaa kookaa ho
…na ma wo fiefoɔ enya adwobrew abodin
Mpo yɛ ntasa ahwɛyie
…na obi mfomsoɔ aandane w’asan
Nna pɔ kitiwaa sane yɛ sane na
Ɔhaw tɔ buɔ nnyɛ den
…nso ne kɔdae yɛ ademua

III
Obiara hwɛ ne ho
…susu
…ansa w’atwa n’ataade
Obiara ka ne kenten
…butu
…ansa w’atam ahyehyɛ ne nuɔma apue
Onyansani na ɔde n’ani hwɛ
…ma n’adwen dwen
N’aso te
…ma ne hwene hwan
…ansa n’ano aka anaa
…ne nan akɔ
Anaa mpo
…ne tɛkrɛma atam akɔto ne yɛm
Amoafowaa Sefa Cecilia © December 27, 2019