I NO WANT BE MAN (PIDGIN HAIKU)

I no want be man

Why I go dey want be man?

Woman dey be waaa

 

II

Them no dey fit cry

Them always dey shave shave beard

Wet dreams, na wetin?

 

III

I no want be man

Africa pressure no small

For man, them sweat pass

 

IV

Them always dey beg

For dark dark then flex for light

For them worship hall

 

V

I no want be man

Woman dey accuse sotaaay

Na all curse don gas

  

VI

If a man hungry

Wey kind man go give am food

If im face biabia?

 

VII

Africa man tire

Dem chase chase flexing woman

Wey dem lose money

 

VIII

A barren woman

No dey shame like man whose

Gun no have bullet

 

IX

Man be room, no gate

Man be room, no get window

Man na suffer bag

X

I no want be man

So so tire tire be man’s fort

Why I want be man?

 

XI

Woman dey suffer

I no go lie, but them live

Dem dey dodge pressure

Amoafowaa Sefa Cecilia © 2015