Categories
POETRY

GHANA BOSOME

Nea onim ne nkyi
…nhweri n’animuonyam
Enti si nketee sɛ
…bosome yi,
Wo bɛ di Ghana aduane
Ahyɛ Ghana ntaade
Abɔ Ghana ho dawuro pa
…akyerɛ amansan

Ma wo suban nkyerɛ yɛn wo nnipa ban
Ma w’ahofadeɛ nkyerɛ yɛn w’ahoɔfɛ
Ma wo dɔ nkyerɛ yɛn wo nnipa suo
Efirisɛ, yɛ yɛ asomdwoe man
Yɛ yɛ ɔdɔ man
Yɛ kyerɛ ahofama
Yɛ bɔ yɛn ho yɛn ho ban

Yɛ wɔ amamrɛ papa
Yɛ bu yɛn mpanyinfoɔ
Yɔ dɔ yɛn abusua
Yɛ piri han ma yɛn mpɛsuaso

Enti yɛ w’adwuma piri nkɔsoɔ
…bosome yi ne daa
Fa w’ano ka nsɛm pa
…bosome yi ne daa
Bɔ bra papa
…bosome ne daa
Bɔ kwan pa to nkyirimma anim
Na ɔman yi yɛ yɛn agyapadeɛ
Ɛyɛ yɛn tenabea
Ɛyɛ yɛn adeɛ nyinaa
Amoafowaa Sefa Cecilia © March 2, 2026.

amoafowaa's avatar

By amoafowaa

Just a simple Ghanaian trying to find the best in our society. I may be fun, I may be interesting, I may be funny, I may even be foolish or intelligent, but it is all based on the mood in which you find yourself. I believe our minds make us who we are. Know that, pain, no matter its 'unbearability', is transient. Unburden or delight yourself for a while in my writings please. And all corrections, advice and opinions are welcome. Know that you are the king, queen or royal on this blog. :)

Leave a comment