Na me mpaebɔ ne sɛ, me rensu mma wo wɔ me mmabaawa brɛ yi mu
Na me mpaebɔ nso ne sɛ , wo nkra yɛn animanim yi ara
Efirisɛ na me pɛ wo asɛm bebree
Wo maa ewiase hunu sɛ anidaso wɔ hɔ ma obiara
Wo san kyerɛɛ sɛ Onyame were nfiri ne mma
Wo de afutuo akɛse na egyaa ewiase
Na wo nim nnipa su nti, wo kaa sɛ ‘yɛ ne wo sre kwa’
…de tuu adɔfoɔ fo sɛnea ɛbɛyɛ a wɔnkɔ nom ‘Poison’
Wo srɛɛ sɛ yɛnfa bɔne nkyɛ
De nyansa tu yɛn fo sɛ
Yɛ kurakura abrabɔ yi mu kwa
Efirisɛ na wo nim sɛ adaka tea da hɔ ma obiara
Daddy, wo dɔ a na wo wɔ ma mmaa yɛ sronko
Wo hyɛ sɛ mmaa nsɔre
San hyiraa mmaa
Wo san kyerɛɛ ɔdɔ maa daakye mmɔfra
Nti ɛnɛ, w’akɔ ka Theresa Abɛbrɛsɛ ho a
Yɛnsei wo din
Ankwanoma, afei deɛ wo akɔ ka akwantuo brakyeɛ mu
Akwantuo a ɛyɛ ‘dangerous’ efirisɛ ɔpono biara nni hɔ a ɛbɛma w’asan w’akyi
Nanso wo ne dɛɛdɛ no nnwu da
Daddy da yie
Onyame nfa wo nsie
Wo bɔ bra, ben wɔ wiase ha, nyaa sika
Hwan na ɔtene?
Nso wo som Jesus
De ɔdɔ pɛɛ nnipa bebree asɛm
Enti kɔ te sɛ ɔkɔreɛ na kɔ da wɔ wo Nyame kukumu
Kosi sɛ yɛbɛhyia wɔ ɔbra yi asuogya
Amoafowaa Sefa Cecilia © July 25, 2025.
Mum Cee 