POETRY

AMANIƐ A ETRU MMA

Amaniɛ a etru ba
Ɛne amanyɔfoɔ akatua a ɛforo ban
…si adan de bɔ wɔn ho ban
Ɛne adwumayɛfoɔ akatua a erewiawia nso entumi nnuru aduane pono so
N’asombɔ ne animdefoɔ a wɔn pɛ sɛ wɔn pia
…adwumayɛfoɔ kakrawa no kɔhyɛ ohia yɛfunu mu

Amaniɛ a etru ba
Ɛne amanyɔfoɔ a wɔn awidare wɔ kɛtɛasehyɛ ne prɔyɛ mu
…san tru takashi de resɛyi atriniifoɔ nnwuma

Amaniɛ a etru ba
Ɛne amanbɔfoɔ a wɔn taa nsɛmfo akyi
…de repri amamasɛm a ɛnkosi hwee
Ama ɔman yi ɛrebɔ ka
…de pia nkyirimma kɔ nkoasom mu

Ɛka da ka so o
Mpanyinfoɔ a wɔn adane awenfoɔ akrɔnfoɔ
Asɔfoɔ a wɔn adane mpaebɔ akyereben
…de sika anibre ɛreɛkankye wɔ asɔrefie
…san de nnadaa ɛreto konkronfoɔ sontidua

Ɛsoro amaneɛ ka fɔm
Ɛfɔm amaneɛ ka nsuo ne nnua
Nsuo ne nnua amaneɛ ka ɔhomefo biara
Ahwɛyie o
Sikaman fɔmbɔ te sɛ nsuo ne nnua amaneɛ
Ɛka obibiara
Amoafowaa Sefa Cecilia © August 6, 2021

Tags #AkanPoems, #AkanPoemsAboutLivingConditions, #Anwensem, #GhanaianLanguagePoems, #TwiPoetry, #TwiPoetryAboutCorruption, #TwiPoetryAboutUnfairness

By amoafowaa

Just a simple Ghanaian trying to find the best in our society. I may be fun, I may be interesting, I may be funny, I may even be foolish or intelligent, but it is all based on the mood in which you find yourself. I believe our minds make us who we are. Know that, pain, no matter its 'unbearability', is transient. Unburden or delight yourself for a while in my writings please. And all corrections, advice and opinions are welcome. Know that you are the king, queen or royal on this blog. :)

View Archive