NSEKUFOƆ EIII!

“Eiiii dabɛn na wo bɛ yɛ ayifrɔ”
Ɔhwɛɛ m’anim a pɛ na ɔkaasɛ ɔredi agorɔ
Sɛ mo aso mo afofroafofrɔ
…na monim sɛ, m’abrabɔ nnyɛ mo agorɔ
…yi deɛ, mma mo mpatri mmɛtɔ m’afrɔ
…mu, mmɛgye adapaa asutrɔ

B.
Yɛde agorɔ agorɔ saa
…na yɛretɔn wo wɔ nsekuo man so
Yɛde” yɛnaware yɛnaware” saa
…na yɛɛ pia wo kɔhyɛ nnipa bɔne bi ahoma so
Nnipa bɛtumi de srehehe adwan w’aso ho saa
…wo bɛhunu na ɔhaw kɛseɛ abɛda w’akoma so
Enti fa agorɔ ka no edu
…mɛma wo ɛho mmuaɛ a ɛfata maako maako mpɛn edu

D.
Fa me kɔ sɛ me mmuadeɛ
Me mma wo mfa adebuo mmɛdane ebuo mfa mmua me
Fa me kɔ kyini sɛ m’ani nsɔ adeɛ
Me mma wo nnane m’ani so w’atomfo afidie
…mfa hɔ yi kwan
Sɛ me yɛ saa a
…ɛdeɛbɛn na me de bɛ wɛn me ho?

E.
Di wo fie asɛm
Na bɔ w’abrabɔ wɔ wo ara wo mmara mantɛm
Mfa w’abrabɔ nnane ɔhyɛ ahoma mfa mmɛ mantam obi
W’ani hwɛ wo kwan so a
…na wo hunu ɛso nkaseɛ ne ɛboɔ akɛseɛ
…tumi tra kɔ tɔɔtiii
Enti hwɛ w’anim na kɔ w’anim
Na m’abrabɔ nnyɛ moagudibea
…nsekufoɔ eiii!
Amoafowaa Sefa Cecilia © April 2, 2021