KWAA ABRƆ A ƆTE BƐGORƆ

Kwaa Abrɔ a ɔte Bɛgorɔ a ɔde abrɔ kɔ agrɔ
…ma ne dani afrɔ memene ne mma no
Na ɔda owuo apaso
…ɛfrɛ wiamuah owuo sɛ ɔmmɛ yi no sɛ mmusuo
…nfa no ntwa owuo afasuo no o
Wei kyerɛsɛ owuo nnyɛ agrɔ a ɔdasani de i n’ani so

B.
Osii so ware yɛ
Kwaa Abrɔ ka sii so sɛ
Ɔbɛsi n’agyapadeɛ nyinaa wɔ ne yɛm
Efirisɛ n’awofoɔ amma no agyapadeɛ biara
Enti ɔdanee akati sii ne yere dwetiri so
…wee yɛ kosii sɛ ɛhyee dwerɛbee
Okukuruu asatɔnyɛ nyinaa sua yɛ
…ɛnwini nsa kukuo wɔ ne yɛm
Enso ne bɛrima anna da koro koraa
Ɔwoo pɔripɔri aduasa nson
…a w’anhwɛ wɔn mu biara

D.
Saa na onnim sɛ onyin de twerɛdua ato krataa so
…abɔ n’ato hɔ
Enti ɔkɔgyee n’ahomieɛ sika de goro mmɛdam’ase wieyɛ pɛ
Ɛnna awerɛhoɔ too ne tuo guu ne yere akoma mu
…kum no firi ne ho
Ne mma a wɔn abɔ apasa no hyɛɛ asɛe dii n’ani
Wɔn a
…wɔnnua aduane mpo na w’anya bi adi
Mpo na wɔn akɔ nsuo amma n’anya bi anom

E.
Wɔn a wonhunu ne suban bɔne no
…a wɔn anka no
Hyɛɛ aseɛ de ‘di wo na ne wagya ni’
…twa ne mma no mpowa
Enti wɔn tutuu firi Bɛgorɔ
…ɛberɛ a obubuguu hɔ no
Ɛnti akomapafoɔ a wɔn ndɔɔso wɔ Bɛgorɔ
…na ɛtɔdabi a
Na wɔn afa ne fie adware no
…ama no aduane kakra adi
Owuo gu so eebu n’anikyie
Ɛnɛ faako da nso ɛɛhyɛ no mpunpunya
Wei kyerɛ sɛ abrɔ nnyɛ agrɔ a nnipa biara di si n’ani so
…wɔ wiase mu
Amoafowaa Sefa Cecilia © February 5, 2021