Categories
POETRY

YƐ OSHIKIFƆƆ BEI NƐƐ AMLI LƐ

Yɛ oshikifɔɔ bei nɛɛ amli lɛ
Maŋbii juji
Nyɛkatsɔmɔa nyɛhe sakribontei
…yɛ maŋsajiataomɔ ŋmaa feemɔ ni emɔ sɛ nɛɛ mli
….kɛha maŋhebulɔi
… ŋɔŋɔɔ nyɛ kɛtotoo kpabuŋ
…kɛfite nyɛshihilɛ
Kɛ nyɛho amɛhe po
…maŋsajiataolɔi baanyɛ amɛtitii nyɛ tamɔ atromai
Bɔ ni afee ni gbesei aku ayeyee nyɛ
…ni amɛtsɔmɔ maŋ nɛɛ amɛbumɔ shi oookɛɛ tugbuŋ nii

B
Yɛ oshikifɔɔ bei nɛɛ amli lɛ
Adafitswalɔi juji
Nyɛkatsɔmɔa nyɛhe gbei feetɔi
…kɛboboo wuwuwuwu yɛ kpoo maŋ
Kɛwowoo mɛi ahiɛ afuai
yɛ he ni eko bɛ
…kɛha maŋsajiataolɔi kɔ tsui fɔŋ
…ni amɛwowoo amɛsɛɛbii ahewalɛ ni amɛklɔ tawuunii kɛbule maŋ
Nyɛ ji maŋ nɛɛ mli hiŋmɛii kɛ naabui
No hewɔ lɛ nyɛdɔa nyɛlilɛi mli kɛwiea
…ni nyɛkɛ ŋaalee blɛgi ashotoa wolo

C
Yɛ oshikifɔɔ bei nɛɛ amli lɛ
Maŋsajiataolɔ juji
Nyɛlea akɛ jeŋmaji nyɛtoɔ
…nyɛbuleee jeŋmaji
Hewɔ lɛ nyɛkɛ tsui krɔŋŋ kɛ pɛnya
…anyiɛa yɛ naajɔlɛ mli
”Mɔ nɛ etiti mi
…mɔ nɛ etsɔtse mi”
Basabasafeemɔ henajiaŋtoo lɛ eji maŋjwaa
Kɛji obule maŋ ko ni elumɔyeli mli hewalɛ sɛɛgbɛ otaoɔ lɛ
..emli te nɔ ni baaha bo hegbɛ kroko wɔsɛɛ ko?

D
Yɛ oshikifɔɔ bei nɛɛ amli lɛ
Maŋ oshikifɔɔnɔkwɛlɔi juji kɛ etsuji
Nyɛkɛ anɔkwaleyeli kɛ trodoo atsuɔ nii
Bɔ ni afee ni anɔkwale amɔ tsuii fɛɛ kɛkpɛtɛ toiŋjɔlɛtso
Kɛji fufuiŋkpɔjiemɔ batsɔ yinɔ nɔ ko lɛ
Ebaagbla yakayaka tai kɛ maŋfitemɔ kɛaaba

E
Ofainɛ kaimɔ akɛ
Gaana lɛ ekome too ni
Ni eji maŋ pɛ ni wɔyɔɔ
Na ole akɛ
Kɛji kaa kumɔ egbenei kɛ enaji lɛ
Ewaaa haaa emɔlɔi lɛ ni amɛaamɔmɔ amɛ kɛaahoo nii sokoo
Enɛ hewɔ lɛ nyɛkɛ toiŋjɔlɛ kɛ henɔkwɛmɔ afɔa nyɛshikii lɛ
Ni nyɛkɛ wiemɔi ni atsuu he ashrashraa yɛ nyɛyaa kɛbaa mli
Ejaakɛ maŋ nɛɛ tamɔ nu hiɛ ahima ko ni miiho yɛ ŋshɔ kwɔŋkwɔŋ ko nɔ
Bu fioo ko pɛ ji nɔ aaaha
…ni ebutu
Kɛaagbegbee emlitalɔi lɛ fɛɛ

Written by:
Amoafowaa Sefa Cecilia © Afuabe 3, 2020
Translated into Ga Language by Nii Otokunor Attoh

By amoafowaa

Just a simple Ghanaian trying to find the best in our society. I may be fun, I may be interesting, I may be funny, I may even be foolish or intelligent, but it is all based on the mood in which you find yourself. I believe our minds make us who we are. Know that, pain, no matter its 'unbearability', is transient. Unburden or delight yourself for a while in my writings please. And all corrections, advice and opinions are welcome. Know that you are the king, queen or royal on this blog. :)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s