Ɛnɛ mu dɛ bɛtumi ayɛ ɔkyena mu nyono
Enti onua
…sɛ wo de ɔdɔ mu ndadoa beram w’akomapono akyi
De akoma foforɔ sie mu a
Bɔ mɔdene hwɛ sɛ ne mpuma ano da hɔ
Na sɛ akoma no fa akuma dwedwa wo mu a
…w’atumi anya baabi ahiri n’ato
Efirisɛ ɛnɛ ɔdɔ betumi ayɛ ɔkyenabi tan
B.
Ɔdɔ wiemu nnyɛ anigye nkoa o
Ɔdɔ asaase so ndi akrɔkrɔ nkoa wai
Ɔdɔ bi ahyɛaseɛ yɛ dɛdɛɛdɛ
…n’aweiyɛ yayaaya
Enti gya w’akoma mpoma to hɔ
…mpo sɛ anigyeyɛ mmorosoɔ dani ne ho krado
…a yɛka si mu a yɛnbue bio a
Gya w’akoma ntokua to hɔ
Na akoma a w’abɛtena w’akoma mu no dani sebɔ a
W’atumi anya baabi ato n’afa
D.
Efirisɛ ɔdɔ nnyɛ kɔm
…na w’ama n’akɔm akum wo
Mpo ɛnnyɛ nsuo
…na w’ama ne nsukɔm akum wo
Neɛ ɔwɔ aso no …
Amoafowaa Sefa Cecilia © October 23, 2020
Mum Cee 