ƆPANYIN

Ɔpanyin
Ɔpanyin a ɔpam nyin
…san de nyin dane kɛntɛn butu mmɔfra

B.
Ɔpanyin
Ɔpanyin a wɔ de kyɛ nam
…de tena ase ma nsa hyɛ damirifa mu
…mma mmɔfra yɛ adwuma din

D.
Ɔpanyin
Ɔpanyin a ɔkasa ma obi nka bi
Nso ne nsa ne ne nan nka sedua
…hwɛ ma no fɔ

E.
Ɔpanyin
Ɔpayin a odi dodoɔ anim
…pre som te sɛ bosom
…gye nsa
…gu ne nkitiwa mu de dadaa nsamanfoɔ ne abosom
…nom bebree

Ɛ.
Ɔpanyin
Ɔpanyin a ɔpam mmɔfra ani
Hwɛ nsɛmfo de sɛi n’adwene
San so bɔ akata wɔ nyansapre mu

F.
Ɔpanyin
Ɔpanyin a ɔntena ase ansa na obiara atena ase
Ɔnsɔre yɛ a obiara nsɔre yɛ
Saa panyin yi ne simpa panyin a
…Sikaman hia funu amena
…ama n’amene no
Efirisɛ dua a ɛnso aba
…nso ɛgye nsuo
…awia ne mframa
Mma mmɔdinbɔ nnua kyene kɔm
Nyɛ nnua a ɔman biara hia
…wɔ ne mpasua biara so
Amoafowaa Sefa Cecilia © October 2020