ƐBAN BIARA HIA NE BANBƆ

Dabi dabi
Akoa bɛsɔre putum aka sɛ daabi
Ama aniwuo adane Owura
…nwura
Ɛwɔ somboɔ tumi-
…kro so ama ne tumi a ɔde tumi
…wurɔ kawa fa abatiri de frɛ ɔyiaw aniwuo no
…adane no ayiaw etuo aboba akono

B.
Dabi dabi
Onibaabikɔ bɛkɔ baabi
Ama aniwa aniwa suboɔ
…a dabiarada ano de dani no piraboɔ
Adane ahwehwɛ, ahwehwɛ
…wɔn wuranom aniwuo abɔ wɔn suboɔ

D.
Dabi dabi
Aboa kankabi bɛtumi aka bi ansa w’aka baabi
Sɛ mmoa a wɔwɔ nan bebrebe
Fa sekan de kɔ ko pri pɛ ɔman a emu enni dede
Wɔ nan ntia ntia kɔm
…ɛnne nantiɛ kum a
Ɔbe sane ne mu de ne mmoa aka ho
Agye ne nnase abodin

E.
Efirsɛ nea ehuro biara dwo
Nea ɛfɔ biara wo
Nea edum biara betumi asɔ
…nkwa ne yɛn faango
Efirisɛ ɛsoro biara wɔ ne fɔm
Aboa biara wɔ ne kyɛm
Dua biara ne ne bena
Akoma biara n n’ahoma

Ɛ.
Dabi dabi
Mmere bɛduru baabi
A akoma bɛtɔ yɛm
Nso saa mmere no
Adwene behia n’adwene wɔ nyansa nsɛm
De abɔ asomdwoe ho ban
Na ananse ankɔ kum kankabi
Anfa anpiri ntentandan
…ɛwɔ ɔman nfinfini
Ama mentemehoase amɛkum asomdwoe
Anfa wɛntwiwɛntwi ansi akonwa kɛseɛ so
Ɛban biara hia ne banbɔ
Amoafowaa Sefa Cecilia © September 4, 2020