Obi yɛ aburo ma akokɔ bi
Obi nso yɛ akokɔba ma akroma bi
Obi yɛ akura ma agyinamoa bi
Obi nso yɛ akrantiɛ ma gyata bi
Ewiase wɔ hɔ yi
…ɛtesɛ ahoɔden atwedeɛ
Wo wɔ tumi wɔ obi nkwa so
…saa ara na obi nso wɔ tumi wɔ wo nkwa so
b
Enti mma wo tumi nnane nomee
…wɔ atirimoɔden kwan so
Mfa w’ahoɔden ɛnyɛ ntrɛnedeɛ
…mma mmɔbrɔwa bi asomdwoe
Ansana ani biara bɛkoto ahwɛ ɛbon biara mu no
…na sɛbe, n’akyiri bɔn mu abue wɔ nkataban biara mu
Enti gu mmɔborɔhunu aba wɔ wo tumidie mu
…na fa tima nsuo gugu w’ahoɔden so
Mpo sɛ ɔbra pa ne pɛyɛ frɛ w’atɛnmuo a
…fa mfidie pa dɔ wo teneɛ anaa bim nwura
Ɔbra mu tumi te sɛ sunsum
…sɛ anka obiara awia ne nkaneɛ tumi pue dakoro a
…anka wo bɛhunu sɛ obiara wɔ bi
Amoafowaa Sefa Cecilia © March 13, 2020
Mum Cee 