Atowerɛnkyɛm ato ɔdɛnkyɛm
…ama asuo atwa n’asuo
…asaase atwe n’asɛn
Ama ewiemu nkoaa n’akɔyɛ n’anidasoɔ
Nso mmoanoma a wɔ wɔ ntaban nyinaa akyiran no
…enti ɔbɛyɛdɛn atu akɔdan soro?
II
Asuo se ne honam nnyɛ hwitahwita
…nso moanoma a wɔn de sen no de bebree gu asuo kokoso
Asuo se n’anum wɔ se huhuuhu
…n’ɛnso bonsu koraa yɛ ne hene
Nnomaa akɔ nhyiamu
…abra wɔn ho wɔn ho ntakra koraa a ɛbɛfifiri atɔ efirisɛ asaase so nnoma ako adibim sɛ ɔkyire ntakramoa we
Enti ɔbɛyɛdɛn akɔdan soro?
III
Ɔtan bi nni ase o
Nnipa we nkraman
…nso nkraman guso som
Gyata we atwi nso wɔn guso ne wɔn kyɛ wɔn adukrom
Akroma kyiri nkokɔmma nso nkokɔ nsisii wɔn mma so adan
Mpo nnomaa bi kyiri nnomaa bi we
…nso wɔn nyinaa te te wiemu
Ɛdeɛn atowerɛnkyɛm na ato ɔdɛnkyɛm a
…mmoadoma nyinaa akyiran noɔ yi?
IV
Ɔtan aduro hia yɔ
Efirisɛ kyirɛdɛ kasa nkoaa nnyɛ biribi a
…ɛkɔka mpapa ma no kasa
Ahi a enfiri Nyame nso yɛ kɔfabae
Amoafowaa Sefa Cecilia © February 28, 2020
Mum Cee 